En primeiro lugar gustaríame dar a benvida a tod@as aqueles que gustedes de visitar a miña páxina.
Dada a importancia que as novas tecnoloxías están acadando na nosa sociedade, decidín levar a cabo esta iniciativa co obxectivo de dar a coñecer información, materiais e aplicacións informáticas que resultan de utilidade á hora de traballar co alumnado en xeral, e co alumnado con NEAE en especial.
E diredes vós, que é iso de alumnado con NEAE? Pois o alumnado con necesidade específica de apoio educativo é aquel que require, de forma temporal ou permanente, apoios ou provisións educativas diferentes ás ordinarias por presentar TDAH, necesidades educativas especiais, por dificultades específicas de aprendizaxe, por altas capacidades intelectuais, por incorporarse tardiamente ao sistema educativo ou por condicións persoais ou de historia escolar.
