Hoxe presentamos un material que serve de axuda para aqueles alumnos e alumnas que por diferentes motivos presentan dificultades á hora de orientarse no tempo, é dicir, que non son quen de diferenciar os días da semana nin o paso do tempo.
Este material podería empregarse nas asambleas ou mesmo no inicio de cada clase e permite ao alumno/a coñecer que día é hoxe, así como os conceptos dos días anteriores e días posteriores ao día dado.
Como vedes é un material manipulativo, así que eles mesmos poden manexalo ata dar coa resposta axeitada.
