Aquí presentamos unha aplicación para as tablets, teléfonos móbiles e/ou PDIs moi útil para traballar tanto en Educación Infantil como co alumnado con NEAE.
Esta permite traballar os elementos dun mercado mediante unha simulación das diferentes seccións e produtos. O alumno/a debe seleccionar os alimentos segundo a cantidade especificada na lista da compra. Despois, debe pesalos (co cal xa se traballan as diferentes medidas de masa) e introducilos na súa cesta.
Xa por último, e para finalizar a compra, o neno/a debe realizar o pago. Eles poderán decidir empregar a tarxeta electrónica ou pagar en efectivo. Neste caso, o recomendable é seleccionar o pago en efectivo para que aprendan a manexar os billetes e as moedas de euro e de céntimo.
