FLIPPED CLASSROOM ou CLASE INVERTIDA

Aquí publicamos unha entrada na que podemos observar outro tipo de metodoloxía útil para desenvolver na aula.

Este concepto de Flipped Classroom ou Aula Invertida é un modelo pedagóxico que transfire o traballo de determinados procesos de aprendizaxe fóra da aula e emprega o tempo de clase, xunto coa experiencia do docente, para facilitar e potenciar outros procesos de adquisición e práctica de coñecementos dentro da aula.

Mais, o termo "flippear" , non só implica a edición e distribución dun vídeo, senón que se trata dun enfoque integral que combina a instrución directa con métodos construtivistas, o incremento do compromiso e implicación dos estudantes e a mellora da comprensión conceptual .